Descripción: Partimos do Paseo Fluvial, xunto á pasarela, e dirixímonos ao Camiño Real que nos leva ata Lebosende, e de alí a Paredes onde poderemos visitar a área etnográfica do “Regato do Foxón” formada por 6 muíños e 30 cabaceiros.
Tras un curto tramo de estrada, encamiñámonos cara á área recreativa de Pena Corneira, a través dunha singular paisaxe formada de carballos, castiñeiros e os espectaculares “bolos” de granito. Chegados a este punto atopamos unha fonte, mesas e asadores, así como dúas derivacións da senda que nos acercan á propia Pena Corneira e a un miradoiro con excelentes vistas sobre a comarca.
Lonxitude: 8.7000 m.
Localización: Leiro.
Dificultade: Media.
Cartografía: IGN E 1:25.000 – Folla 187 III
concellodeleiro.wordpress.com 